Mwanamuziki na mtangazaji wa runinga kutoka nchini Uganda Crysto Panda ameapa kuendelea kuimba licha ya ukosoaji mkubwa kutoka kwa mashabiki kuwa anaimba nyimbo za kitoto ambazo zinachosha.

Crysto Panda alipata mafanikio makubwa kwenye muziki wake alipoacha wimbo uitwao “kyolina omanya” akiwa amemshirikisha Sheebah Karungi, lakini tangu wakati huo, ameshindwa kutoa wimbo mkali zaidi.

Mashabiki wake wamekuwa wakimshinikiza aache muziki na azingatie taaluma yake ya runinga lakini anasema hataacha kwa sababu tu ya ukosoaji wa watu.

“Nina watu wengi wanaopenda muziki wangu. Naimba kwa ajili yao lakini zaidi kwa ajili yangu mwenyewe. Hakuna mtu anayenipa pesa za kurekodi na kutayarisha video kwa hivyo hakuna mtu anayepaswa kuniambia nini cha kufanya na maisha yangu,” alisema katika mahojiano na vyombo vya habari.